Sco quai che SüdWestStrom communitgescha haja quai 3 raschuns: I manchia la basa legala pertutgant l'avegnir da l'energia fossila, lura che la rendita na saja betg buna avunda ed era perquai che la regenza dal Schleswig-Holstein è cunter il project.

Gia la fin da mars aveva il concern d'energia grischun RePower communitgà da na betg sustegnair pli il project da l'ovra da cotgla a Brunsbüttel e da scriver giu ils 7 milliuns custs da project.

WWF Grischun è satisfatg

Dentant han ils adversaris da l'ovra da cotgla a Brunsbüttel en Svizra reagì. Il WWF Grischun è sa mussà satisfatg e vesa il na da la SüdWestStrom sco victoria da l'atgna strategia. La finamira na saja dentant anc betg cuntanschida. Ussa giaja quai per impedir che la Repower sa participeschia a l'ovra da cotgla Saline Joniche en l'Italia. (aw/sda)