Blera plievgia per ils openairs da la fin d’emna
-
- Zoom
- Grisch e bletsch als openairs grischuns 2012. (SF)
Ils openairs grischuns paran d'avair discletg cun l'aura quest onn. Ils visitaders da l'Openair Lumnezia ed era da l'Openair Chapella ston quintar cun plievgia. Quai mussa la prognosa speziala che SF Meteo ha fatg per il Radio Rumantsch.
Bletsch en Lumnezia
Il cumenzament dal Openair Lumnezia venderdi suentermezdi splendura anc mintgatant il sulegl. Encunter saira e la notg èsi dentant da quintar cun plievgia, per part era cun urizis. Tgi che dorma en ina tenda fa il meglier da prender ina buna cuverta, igl è numnadamain frestg. Venderdi èsi a Degen 18 grads, la notg sa sbassan las temperaturas dentant sin 9 grads. Sonda èsi per gronda part surtratg ed i plova adina puspè. Las temperaturas per sonda a l'Openair Lumnezia muntan a 15 grads.
Frestg a Chapella
Era per il pli vegl openair dal Grischun, l'Openair Chapella, èsi da trair en pelerina. La notg da venderdi sin sonda plovi ed era la sonda èsi adina puspè da quintar cun plievgia. La dumengia perencunter pudess quai dar scleridas a Chapella en l'Engiadin'Ota. Las temperaturas èn tar maximalmain 14 grads. (aw/uca/nc/rtr)
Open air Lumnezia in success malgrà mal’aura
Il 28avel open air Lumnezia è a fin. L’aura bletscha e plitost fraida ha dà bler da discutar, ed ella ha era fatg quitads als organisaturs. Malgrà la mal’aura, saja l’open air Lumnezia tuttina stà in... dapli Open air Lumnezia in success malgrà mal’aura
Chapella, il pli vegl ed il pli famigliar dals openairs
Cun sia 31avla ediziun, cun trais generaziuns che stattan davant il palc e cun ina grondezza limitada dal spazi tar la ruina da la veglia baselgina da Chapella, ha l’open air Chapella sias atgnas sfidas per ils organisaturs. dapli Chapella, il pli vegl ed il pli famigliar dals openairs
