Abitaziuns a tschains en chasa pravenda
-
- Zoom
- La chasa pravenda a Scuol. (ANR, M. Fontana)
La chasa pravenda da Scuol porscha sper ina abitaziun, in biro per il reverenda ed ina sala polivalenta, bler spazi vid. Uss duess quai sa midar. En chasa pravenda duessan vegnir fabritgadas 3 abitaziuns per dar a fit.
Quai ha decidì la radunanza da la raspada evangelica da Scuol en ina radunanza extraordinaria. La radunanza ha era decidì da dà en lavur in studi per realisar quai.
Il reverenda, Jon Janett, fabritga a Scuol ina chasa privata e va ad abitar en quella. Era cun abitaziuns per autra glieud duess la chasa pravenda restar in lieu d’inscunter per la raspada. La sala polivalenta duess era vegnir duvrada pli stedi en avegnir. (aw/ht/rtr)
