Sensibilisaziun tranter ciclists e viandants
-
- Zoom
- Ils mountainbikers duain mussar respect envers ils viandants, ma era viceversa. (Keystone)
Adina pli savens vegnan las vias e sendas duvradas tant da velo ciclists sco er da viandants al medem mument. Quai maina adina puspè a situaziun da conflict.
Per evitar tals conflicts han las vischnancas da Puntraschigna e Schlarigna empruvà da chattar soluziuns. En in emprim pass vulan ins sensibilisar tuttas duas partidas d’avair dapli respect e chapientscha in per l’auter.
Dapli respect ed encletga
Cun tavlas en trais linguas duain ils bikers ed ils viandants vegnir infurmads areguard la problematica. Plinavant han las vischnancas installà sin il traject dal guaud da Staz pitschens impediments en furma da barrieras che vegnan demontadas durant la stagiun morta. (ac/rtr)
