Chasti pli dir per ruffian ungarais
-
- Zoom
- Il delinquent sto ir 14 onns en praschun. (colourbox.com)
A Turitg ha la dretgira superiura dà in chasti anc pli sever che l'instanza avant. L'um da 43 onns sto ir en praschun per 14 onns e vegn suenter en internament, quai pervia da commerzi cun carstgauns, promoziun da prostituziun ed abort. L'um haja sfurzà dunnas a prostituziun e torturà quellas da moda brutala, uschia la dretgira.
L'um ungarais che vala sco chau dad ina banda internaziunala aveva fatg recurs cunter la sentenzia da l'emprima instanza. L'atun 2010 aveva la dretgira districtuala da Turitg sentenzià el a 10 onns praschun. (aw/sda)
