Rut en apoteca e garascha

Ina giada èn ils laders ruts en l'apoteca Sontga Clau a Glion. Là èn ils laders entrads cun rumper dus eschs. Engulà han els daners en bar ord in truchet.

Il segund lieu che ha gì visita da laders è stà la garascha Spescha a l'ur da la citad da Glion. Là han ils laders engulà l'entir tresor ed al han transportà davent cun in auto da clients che sa chattava en garascha. L'auto ha la polizia chattà l'auter di sin in parcadi en la vischinanza.

L'emna passada era a Val S. Pieder

Ina sumeglianta situaziun èsi stà l’emna passada en Val S. Pieder. Durant ina notg èsi vegnì rut en en trais lieus. Sch’i sa tracta dals medems laders n’è anc betg sclerì, di la polizia chantunala. (ll/rtr)