Ingrid Metzger è morta
L’archeologa ed istoricra d’art Ingrid Metzger è morta avant paucs dis en l’ospital chantunal da Cuira. Tenor l’annunzia da mort ch’è cumparida oz en la Südostschweiz e la NZZ è ella morta nunspetgadamain pervi d’ina disditga da la circulaziun ed ils gnirunchels.
Ingrid Metzger aveva 73 onns ed è stada durant 20 onns, enfin il 2002, la directura dal museum retic a Cuira. Tranter auter ha ella er dà or diversas publicaziuns davart l’istorgia da la Rezia. (sd/so)
