La Grezia custa milliardas a la Germania
-
- Zoom
- La Germania ha gia sa gidà cun la Grezia cun dus pachets da milliardas. (pixelio.de)
Sche la Grezia giess bancrut perdess la Germania passa 80 milliardas euros. Sche la Grezia restass en quai cas en la zona da l'euro perdess la Germania 89 milliardas euros, sch'ella bandunass l'euro perdessan ils Tudestgs 82 milliardas euros.
Quai resulta d'in studi da l'institut ifo. En las summas èn resguardadas tranter auter las contribuziuns da la Germania als dus pachets d'agid e la cumpra da credits grecs tras las bancas centralas dals pajais da l'euro. Betg resguardads sajan las perditas d'amortisaziuns da bancas tudestgas ed assicuranzas. (aw/sda)
