FCB en la segunda runda da qualificaziun
-
- Zoom
- Jacques Zoua ha sajettà dus gols encunter Flora Tallinn. (SRF)
Il club da ballape da Basilea ha dumagnà l'emprim da trais obstachels per sa qualifitgar per la Champions League. Suenter ch’igl FCB ha gia gudagnà ordaifer cunter Flora Tallinn cun 2:0 ha il club da Heiko Vogel era gudagnà il gieu a chasa cunter il club da l'Estonia, quai cun 3:0.
L’um dal gieu è stà Jacques Zoua ch’ha sajettà ils emprims dus gols avant pausa, igl 1:0 en la 9avla minuta, il 2:0 en la 31avla minuta. En la 63avla minuta ha il chilen Marcelo Diaz pudì nizzegiar in culp liber ord 30 meters al resultat final da 3:0.
En la proxima runda da qualificaziun frunta l'FCB sin il campiun da la Norvegia, Molde FK ch’ha battì il club da la Lettonia, Ventspils. L’emprim duel tranter igl FCB e Molde FK è ils 31-7 u ils 1-8, il gieu da return è lura in’emna pli tard, ils 8 d’avust en il St. Jakob-Park a Basilea. (aw/sda)
