President John Evans Atta Mills è mort
-
- Zoom
- John Evans Atta Mills è mort mardi, ils 24-07-2012 en l'ospital da militar ad Accra, la chapitala da la Ghana. (Keystone)
Il president da la Ghana, John Evans Atta Mills è mort. Il politicher da 68 onns saja mort surprendentamain en in ospital militar en la chapitala Acra, quai han rapportà emetturs da radio e televisiun dal stadi vest african.
-
- Zoom
- Doris Leuthard beneventa ils 30 d’avust 2010 John Evans Atta Mills en la Svizra a Kehrsatz, datiers da Berna. (Keystone)
Mills è stà dapi il 2009 president dal pajais ed ha vulì candidar danovamain il december. El pativa gia dapi intgins onns da cancer. Il vicepresident John Dramani Mahama è vegnì saramentà anc ier saira sco nov president. Ghana vala sco ina da las paucas democrazias en l'Africa che funcziunan. (aw/sda)
-
- Zoom
- John Dramani Mahama è vegnì saramentà sco nov president. El era avant vicepresident. (Keystone)
1 emna malencurada naziunala
Suenter la mort nunspetgada dal president da Ghana John Evans Atta Mills ha il pajais vest-african proclamà in'emna malencurada naziunala. Mardi, ils 24-07, è il president mort en in ospital militar ad Accra. El pativa dal cancer. Mardi saira, 24-07, è il vice-president da la Ghana John Dramani Mahama vegnì saramentà sco nov president. (sd/sda)
