Greva attatga da l’armada sin cartents
-
- Zoom
- En la chapitala siriana Damascus datti adina puspè grevas attatgas. (Reuters)
Truppas da l'armada siriana han sajettà en ina gruppa da cartents cura che quels han vulì entrar en ina moschea. Tar l'attatga èn mortas almain 25 persunas, 10 èn vegnidas blessadas, quai tenor rapports dad activists.
Plinavant rapporta l'opposiziun da la Siria che l'armada haja attatgà ina part da l’aglomeraziun da la chapitala Damascus. Pliras tschient famiglias sajan fugidas. Entant ha l'anteriur general da brigada ed ami dal president, Manaf Tlas, fatg da savair ch'il reschim saja corrupt e che l'armada sa fetschia culpanta da crims. Tlas è desertà da l'armada e fugì en l'exteriur. (aw/sda)
