Beat Feuz sto avair vinavant pazienza
-
- Zoom
- Beat Feuz ha stuì rumper giu ses comeback. (Reuters)
Il comeback dal skiunz Beat Feuz suenter sia blessura vid il schanugl n‘è betg grategià. Feuz, il segund da la cuppa mundiala generala da la stagiun passada, patescha anc adina da las consequenzas da l’operaziun.
Beat Feuz è stà il glindesdis l’emprima gia sin ils skis dapi l’operaziun la fin mars. Il trenament da skis n’è dentant betg grategià sco giavischà. Il skiunz bernais ha sinaquai bandunà il camp da trenament a Zermatt. Feuz fa ussa vinavant terapia ed emprova en in’emna lura in ulteriur comeback. (aw/sf)
