Cancellara va a la cursa encunter l'ura
-
- Zoom
- Fabian Cancellara, il campiun olimpic da Peking il 2008. (Keystone)
Fabian Cancellara parta mesemna, l’emprim d’avust, a la cursa encunter l’ura dals gieus olimpics da Londra. Il defensur dal titel patescha dentant vinavant da las blessuras chaschunadas, cur ch'el è cupitgà sin via en la cursa da velo.
Fabian Cancellara era en la cursa da velo sin via ad ina medaglia, cura ch’el e cupitgà cunter ina saiv en ina curva radund 15 kilometers avant l’arrivada. Rut n’ha il ciclist bernais nagut, el ha dentant grevas contusiuns vid ina spatla.
Oz suentermezdi trenescha Fabian Cancellara l’emprima gia suenter esser cupitgà, i duai esser in emprim test.
La cursa encunter l’ura da mesemna maina sin in tschancun da 44 kilometers. Sper il 4-dubel campiun mundial e campiun olimpic da Peking valan tranter auter il brit Bradley Wiggins ed il tudestg Tony Martin sco ils gronds favurits per aur. (aw/sf)
