Grecs paupers tuttina betg paupers
-
- Zoom
- Sin pupi grec èn els paupers. En verdad dentant han els anc blers daners. (maletg simbolic) (Keystone)
Grecs paupers han sco i para grondas summas daners sin contos en l'exteriur. D'in cas extrem ha rapportà la gasetta Ta Nea. Lezza scriva d'in um grec che ha inditgà a l'uffizi da finanzas 0 entradas, ha dentant transferì radund 25 milliuns euros en l'exteriur.
Il ministeri da finanzas ha confermà il rapport. Tenor il rapport da la gasetta hajan l'onn 2010 passa 730 Grecs transferì radund ina milliarda euros en l'exteriur, en spezial en la Gronda Britannia, la Svizra e la Cipra. 400 da quels Grecs èn paupers tenor lur decleranza da taglia. (sd/sda)
