Openair tradiziunal “Per ina Svizra cun cor”
Sin la plazza federala a Berna ha cumenzà l'openair tradiziunal. Sut il motto "Per ina Svizra cun cor" sa preschentan tranter auter Anna Rossinelli, Jesse Ritch e Pegasus.
Avant il cumenzament uffizial è la plazza stada reservada per las famiglias che han pudì far diever d'in bus da termagls e gieus. - L'openair gratuit sin la plazza federala datti dapi il 2006 ed attira tenor ils responsabels mintgamai fin 20'000 persunas. (sd/sda)
