1. d’avust vegn savens festivà gia ils 31-7
-
- Zoom
- En pliras vischnancas vegn fatg festa gia ils 31 da fanadur. (Keystone)
La festa naziunala d’emprim d’avust en Svizra è normalmain ils 1 d’avust. Dentant betg dapertut en Svizra vegn festivà la festa naziunala quai di. I dat vischnancas, er en il Grischun, che prefereschan da festivar la festa d’emprim d’avust gia il di avant.
Ruschein e Vuorz Andiast èn exempels en la Surselva, Brinzauls è in exempel en il Grischun central. Er Malans en il Signuradi festivescha la festa naziunala gia ils 31 da fanadur. La raschun da far festa gia in di avant; la saira dals 31 da fanadur hajan ins dapli persunas sin il plaz da festa che la saira da l’emprim d’avust. Plinavant possian ins durmir pli ditg l’emprim d’avust e ils blers na stoppia betg ir a lavurar quai di. (aw/sg/rtr)
