Plirs morts pervi dal taifun Saola
Il stemprà tropic "Saola" sin las Filippinas è entant daventà in Taifun. El ha fatg grondas devastaziuns. 8 persunas èn mortas. Quai rapportan las autoritads per protecziun da catastrofas.
140’000 persunas èn fugidas ord lur chasas. Cun 150 kilometers l'ura ha il taifun fatg ses turnigls sur las inslas dal nord ed è ì en direcziun Taiwan. Pervi da las malauras hai dà bovas ed inundaziuns. Latiers èn numerusas pitgas d'electricitad derschidas. Pliras provinzas n'han gia dapi dis nagina forza electrica pli. (aw/sda)
