Il gieu tranter ils Svizzers ed ils Russ è stà in gieu dramatic. L’emprim set han Sascha Heyer e Sébastien Chevallier gudagnà fitg stretg cun 28:16. Il segund set han lura ils Russ gudagnà cun 21:18. Grazia ad in ass han ils Svizzers lura gudagnà il terz set, il set decisiv cun 15:13. L’emprim d’avust dat il duo svizzer il davos gieu da gruppa encunter il duo tudestg cun Julius Brink e Jonas Reckermann, i va per la victoria en la gruppa C.

Terrada per Kuhn / Zumkehr

Simone Kuhn e Nadine Zumkehr han pers encunter il numer 2 dal mund, il duo chinais cun Zhang Xi e Xue Chen, cun 1:2. La decisiun è crudada a l’entschatta dal terz set, cura che las Chinaisas han pudì augmentar spert a 4:0. A la fin han Kuhn / Zumkehr pers cun 18:21, 21:16 ed 8:15. (aw/sda)