Radiotelevisiun Svizra Rumantscha - Ueli Maurer: „Svizra sto restar ferma cunter squitsch“

Pled d'emprim d'avust

Ueli Maurer: „Svizra sto restar ferma cunter squitsch“

Publicaziun: 31-07-2012, 19.52

: Zoom; Ueli Maurer ha fatg pled a Hinwil, sia vischnanca nativa. (archiv) (Reuters)

Per Ueli Maurer, il cusseglier federal da la PPS, èsi cler, che la Svizra sto restar ferma cunter il squitsch ed ils giavischs da las organisaziuns internaziunalas.

Quai saja il pli impurtant pensum da la Svizra ils proxims onns, ha ditg Maurer en in pled d'emprim d'avust en sia vischnanca nativa Hinwil.

A concessiuns spertas laschia la politica internaziunala adina suandar novas pretensiuns che giajan anc pli lunsch, ha ditg Maurer ed uschia fatg allusiun a las cunvegnas da taglia che la Svizra ha fatg cun divers pajais. (sd/sda)

Alain Berset: Chaussas patrioticas tar la situaziun da la naziun

: Zoom; Alain Berset ha fatg ses pled tranter auter a Middes FR. (archiv) (Keystone)

Il cusseglier federal Alain Berset ha pretendì mardi saira a Middes, en il chantun Friburg, refurmas equillibradas tar las ovras socialas. Tgi che spetga memia ditg cun quellas pericliteschia las ovras socialas. (sd/sda)

Senza libertad nagina democrazia. Uschia Didier Burkhalter tar ses pled d’emprim d’avust a Londra. Ils Brits sco era ils Svizzers hajan tuts dus libertad, democrazia, sinceradad e suveranitad, ha ditg Burkhalter.

Il punct... dapli Didier Burkhalter: Libertad è il pilaster da la democrazia