Bartga svizra a quatter en il final
La bartga svizra a quatter da paisa leva è sa qualifitgada surprendentamain per il final da remblar als gieus olimpics a Londra. En il mezfinal ha il quartet svizzer cuntanschì l’arrivada sco segund davos la bartga da la Gronda Britannia.
Il quartet cun Mario Gyr, Simon Niepmann, Lucas Tramèr e Simon Schürch han er persvadì en il mezfinal. Grazia a quest success han ils Svizzers gia segir gudagnar in diplom. Malgrà ch’els èn anc mai stads sin il podest audan els uss a Londra tranter ils candidats da medaglia. Il final cun las meglras sis bartgas è gievgia, ils 2 d’avust 2012. (aw/sda)
