6,5 milliardas gudogn l’emprim mez onn
-
- Zoom
- SNB fa in gudogn da milliardas grazia a las fatschentas cun valutas estras. (Reuters)
La banca naziunala svizra SNB ha fatg l'emprim mez onn dal 2012 in gudogn da concern da 6,5 milliardas francs. L’emprim mez onn dal 2011 veva la SNB anc fatg ina sperdita da 10,8 milliardas francs.
La raschun principala è il gudogn sin posiziuns en valutas estras che munta a varga 5 milliardas francs. Decisiv sajan stads retgavs da tschains e dividendas sco era augments dal curs e gudogns da chapital, ha communitgà la SNB a Berna. Tras las intervenziuns sin ils martgads da chapital è s'augmentada la summa da bilantscha dapi l'entschatta da l'onn per 90 milliardas francs sin radund 440 milliardas. (aw/sda)
