Novas pitgas per mesirar il vent sur Lumbrein
-
- Zoom
- Cun questas turs da mesirar vegni eruì danunder ch’il vent deriva. (mad)
Las pitgas per mesirar il vent en la regiun sur Lumbrein vegnan engrondidas e spustadas. Ellas duajan esser da nov 80 meters autas enstagl 60 meters e vegnir plazzadas sin il fil "Um Su" - Pez Grén. Quai ha communitgà la firma Altaventa.
La finamira saja da survegnir datas pli exactas enfin la fin da la stad 2013. En la regiun tranter Lumbrein e Sursaissa duajan la fin finala vegnir plazzadas 40 rodas da vent da la generaziun la pli nova. (ll/aw/rtr)
