Medis sa dostan cunter project da sanadad ambulanta
-
- Zoom
- Cun quai project pericliteschia l'uffizi da statistica il secret dals medis. (Keystone)
Ils medis en Svizra sa dostan cunter in project da l'uffizi federal da statistica davart il provediment da sanadad ambulant. Els rinfatschan a l'uffizi ch'el rimnia datas da pazients senza ina basa legala.
L'uffizi da statistica pericliteschia cun ses project il secret da medis, uschia scriva l'organisaziun dals medis FMH en ina communicaziun. La lescha d'assicuranza da malsauns fixeschia ch'il rimnar las datas da pazients haja da capitar cun garantir l'anonimitad. Quai ignoreschia l'uffizi. L'uffizi federal vul lantschar il project per pudair cumplettar las datas statisticas davart il provediment ambulant. (sd/sda)
