Tirchia

Policist Varone puspè liber

Il cumandant da la polizia dal Vallais, Christian Varone, è puspè liber. La procura publica d'Antalya en Tirchia ha laschà liber il vallesan ord l'arrest d'inquisiziun.

A Varone vegn rinfatschà, ch'el haja engulà bains culturals tircs. Il figl da Varone ha sco i para prendì cun el in crap ch'el ha chattà tar ina spassegiada sper in lieu da chattadas archeologicas. Varone era sin viadi a chasa, cura ch'el è vegnì arrestà da la polizia tirca. (sd/sda)