Obama ed Erdogan discutan davart la Siria
-
- Zoom
- La chasa alva a Washington. (Keystone)
Il president dals Stadis Unids Barack Obama ha discutà cun il prim-minister tirc Recep Tayyip Erdogan sur da la situaziun en la Siria. Els hajan discutà sur da la dumonda co ch'in po accelerar la midada politica en la Siria, quai ha communitgà la chasa alva a Washington.
Obama ed Erdogan han ultra da quai decis da coordinar las mesiras d'agid umanitar per gidar fugitivs da la Siria. Ils cumbats en la citad Aleppo ha Obama numnà ina escalaziun seriusa da la situaziun en la Siria. (aw/sda)
