L'intendanta dal festival, Graziella Contratto, ha dà in sguard tras ils ultims 500 onns da l’Istorgia da la musica, ed ha chattà projects e concerts per talents da la generaziun giuvna ch’èn deditgads a rebels, innovaturs e pioniers.

Vul dir da Beethoven sur l'epoca revoluziunara "Sturm und Drang", fin a projects, nua ch’i vegn maschedà musica classica cun Rap.

Dentant n’è il Davos Festival quest onn betg palc per stailas che splenduran in avegnir al firmament da la musica classica, mabain er per il rappunz da Berna Kutti MC u il teater da sut Stringwreck. Stringwreck è in project dals Stadis Unids da l’america ch’exista or d’in quartet da musica da corda ed in quartet da sautunz. Il project Stringwreck è per l’emprima giada en l’Europa. (gfc/sd/rtr)