Rebels attatgan bajetg da televisiun statala
-
- Zoom
- Brischaments datiers d'Aleppo. (Reuters)
En Siria han ils rebels attatgà il bajetg da la televisiun statala ad Aleppo. L'attatga ha dentant fatg naufragi perquai che las truppas da la regenza han defendì il bajetg cun attatgas ord l'aria. Quai ha il post d'observaziun per dretgs umans communitgà.
L'agentura da novitads SANA ha confirmà l'attatga sin la televisiun statala. Er a Damascus hai dà grevs cumbats. L'armada haja bumbardà il quartier Tadamun uschè ferm sco anc mai, scriva l'agentura da novitads SANA. (sd/sda)
Cun gronda maioritad ha la radunanza plenara da l'ONU deliberà ina resoluziun che sentenzia vehementamain la violenza en la Siria. Il text è dentant vegnì mitigià sin squitsch da la Russia, la China ed auters pajais. dapli ONU sentenzia vehementamain violenza en Siria
