Schuldads d’elita da l’Iran tranter ils pelegrins rapinads
L'emettur da televisiun Al-Arabija ha mussà in video dals pelegrins iranais rapinads en Siria. In represchentant dals rapinaders declera en quai video, ch'i haja er gardists revoluziunars tranter ils 48 ostagis.
La garda revoluziunara è ina truppa d'elita dal commando iranais. L'Iran discurra dentant da pelegrins muslims che sajan ids ord motivs religius en Siria. Las persunas eran vegnidas rapinadas ier cur ch'i eran sin via cun in bus en direcziun port aviatic. (sd/dpa)
