Quota da dischoccupaziun è tschessada in zic
-
- Zoom
- Il fanadur eran 1'200 persunas annunziadas tar ils centers regiunals per intermediaziun da lavur. (Keystone)
En il Grischun è la quota da dischoccupaziun tschessada levamain il fanadur. En tut eran 1'270 persunas senza lavur il fanadur passà. Quai correspunda ad ina quota dad 1,2%.
Guardà sin l’entira Svizra è la quota da dischoccupaziun restada il fanadur stabila tar 2,7%. En tut eran bun 116’000 persunas annunziadas la fin fanadur tar ils centers regiunals per intermediaziun da lavur. La quota en Svizra tudestga è tar 2,2%, en il Tessin ed en Svizra romanda munta ella a 3,9%. Quai communitgescha il secretariat statal per economia, SECO.
Marcantamain creschì è il dumber da dischoccupads tar las persunas tranter 15 e 24 onns. Là è la quota creschida sin 2,9%. (fc/cdp/sda)
