Armada egipziana mazza 20 attatgaders
-
- Zoom
- Gia la dumengia è in post da cunfin vegnì attatgà. (reuters/archiv)
Mo paucs dis suenter in'attatga sanguinusa, nua che 16 schuldads egipzians eran morts, hai danovamain dà attatgas sin schuldads egipzians sin la mes'insla Sinai. Sinaquai ha l'armada egipziana bumbardà ils attatgaders ord l'aria.
En tut hajan ins mazzà 20 attatgaders, ha in cumandant ditg. Latiers hajan ins destruì 3 chars armads. Ils cumbats cuntinueschian anc.
Il mardi han ils Stadis Unids annunzià da vulair collavurar pli stretg cun l'Egipta per cumbatter il terrorissem. La ministra da l'exteriur Hillary Clinton ha segirà da vulair sustegnair las stentas da la regenza egipziana per meglierar la segirtad en la regiun.
Extremissem violent muntia in privel per l'Egipta, per ils vischins da l'Egipta e per ils Stadis Unids. (gc/sda)
