Richard Park mida tar Ambri-Piotta
-
- Zoom
- Richard Park en il dress dals Pittsburgh Penguins. (Reuters)
Il club da la Leventina, il HC Ambri-Piotta, ha engaschà l’attatgader Richard Park ch`è burgais dubel american sidcorean. Park ha suttascrit tar Ambri in contract da dus onns.
Richard Park ha giugà 778 en la National Hockey League, quai per ils Pittsburgh Penguins, ils Anaheim Ducks, ils Philadelphia Flyers, Minnesota Wild, ils Vancouver Canucks sco era per ils New York Islanders. Plinavant è Richard Park era stà a quatter campiunadis mundials cun l’equipa dals Stadis Uni.
Era en Svizra è Richard Park betg in nunenconuschent. Il 2004 ha el giugà durant in curt temp per ils SCL TIgers. La stagiun 2010/2011 ha el plinavant giugà per Genevra Servette.
Radek Duda mida tar Genevra Servette
Il club da hockey da Genevra ha engaschà, ina gia per ina stagiun, l’attatgader Radek Duda. Il Tschec ha oravant tut giugà enfin ussa en sia patria la Tschechia. Duda ha dentant era gia giugà en ils Stadis Unids, en la Russia, la Svezia e la Finlandia.
-
- Zoom
- Radek Duda il 2008 en il dress da l'EHC Basilea. (Keystone)
La stagiun 2007/2008 ha Radek Duda plinavant era giugà 10 gieus per ils SCL Tigers e 15 gieus per igl EHC Basilea. Ils davos dus onns ha Duda dà 89 gieus per il club da la Tschechia, Pilsen, è sajettà 43 gols e dà 52 assists. Il sulet titel ha Radek Duda gudagnà il 2003. Cun Slavia Prag è el vegnì champiun da la Tschechia. (aw/si)
