Boom da bajegiar è puspè s’augmentà
-
- Zoom
- L'index da construcziun è s'augmentà questa stad per 5%. (Reuters)
En Svizra è il boom da bajegiar da questa stad puspè creschì. Tenor las cifras da la Credit Suisse e l’uniun dals impressaris è l’index da construcziun creschì per 5% en congual cun il segund quartal.
I vegnian ussa fatgas lavurs, ch’èn vegnidas spustadas l’enviern. Vinavant cuntinueschia la construcziun d’abitaziuns novas. Quai pervi dals tschains per ipotecas bas e pervia da l’augment da la populaziun. (fc/sda)
