Dapli dunnas dischoccupadas che umens
-
- Zoom
- La quota da dischoccupaziun da las dunnas è per 0,7% pli auta che quella dals umens. (Keytone)
Dunnas svizras èn pertutgadas pli ferm da la dischoccupaziun che umens. Cun 4,5% è la quota da dunnas dischoccupadas per 0,7% pli auta che quella dals umens. Quai mussa in rapport da l’uffizi federal da statistica.
Bain saja il dumber da dunnas ed umens dischoccupads medem cun mintgamai 90’000. Ma perquai che pli paucas dunnas lavurian, saja lur quota pli auta. Tenor l’uffizi da statistica saja in dals motivs per la differenza la situaziun famigliara. Uschia fetschian dunnas pli savens pausas en lur vita professiunala per pudair ademplir als basegns famigliars. (fc/sda)
