Chaliras fin 45 grads en il sid da la Spagna
-
- Zoom
- Pervi da la chalira e setgira èn enfin ussa 1'300 kilometers quadrats guaud brischads en la Spagna. (Reuters)
La Spagna sua pir che mai. En il sid dal pajais dettia quai fin 45 grads, han communitgà diversas agenturas da novitads internaziunalas. La setgira è quest onn zunt gronda, perquai ch'i n'ha gia l'enviern strusch pluvì.
La Spagna registrescha ultra da quai ils pli blers incendis da guaud dapi 10 onns. Ils emprims 7 mais da quest onns èn gia 1’300 kilometers quadrats guaud brischads. Quai è ina surfatscha uschè gronda sco il chantun Argovia. Il stadi avertescha la populaziun da far fieu. (fc/sda)
