Federer frunta u sin Nieminen u sin Bogomolow
-
- Zoom
- Federer vul cuntanscher il 5avel titel a Cincinnati. Il Svizzer ha gudagnà il turnier gia il 2005, 2007, 2009 e 2010. (Keystone)
Ussa èsi cler cunter tgi che Roger Federer ha da giugar al proxim turnier da tennis a Cincinnati. Suenter ina runda libra frunta Roger Federer u sin il finlandais Jarkko Nieminen u sin il russ Alex Bogomolow.
Encunter Nieminen sco è encunter Bogomolow n‘ha Federer anc mai spers. Encunter il campiun olimpic, il scot Andy Murray, frunta il numer in dal mund sin il pli baud en il final.
Stanislas Wawrinka
Stanislas Wawrinka dat en l’emprima runda encunter in qualifitgant, silsuenter pli probabel cunter il spagnol David Ferrer. Il turnier da tennis a Cincinnati entschaiva glindesdi. (fc/si)
