Nagins indizis per transacziuns da daners tudestgs
-
- Zoom
- Tenor la Eveline Widmer-Schlumpf na vegnian daners tudestgs betg transferids da la Svizra x-insanua. (Reuters)
La presidenta da la confederaziun Eveline Widmer-Schlumpf n'ha nagins indizis, che daners tudestgs vegnan transferids da la Svizra a Singapur. Quai ha ditg la presidenta en in'intervista cun las gasettas Aargauer Zeitung e Südostschweiz.
Las bancas sajan obligadas da betg far talas transacziuns. La cunvegna da taglia cun la Germania prevedia ch'ils daners na vegnan betg transferids insanua, mabain vegnan suttamess a la taglia sut cundiziuns acceptablas. Uschia Widmer-Schlumpf vinavant.
Gia la banca UBS ha communitgà ch'i na dettia naginas transacziuns sco quai ch'è vegnì pretendì ord la Germania. (fc/sda)
