Simbolisar l’impurtanza da las regiuns alpinas
-
- Zoom
- In dals 4 fieus da l'acziun "Fieus en las alps" arda sin il pass dal Bernina. (Seraina Derungs)
Sin ils auts en la Svizra, l’Austria, la Germania, l’Italia e la Slovenia ardan questa fin d’emna 30 fieus. 4 da quels en il chantun Grischun.
Ils 4 fieus en il Grischun èn da vesair sin il pass dal Bernina, sin il Piz Sezner a Vignogn, a Malögia e sin il Tgiern da Vanescha a Vrin.
Promover svilup durabel
L’acziun “Fieu en las alps” vegn organisada da l’associaziun da tetg per l’ambient da la CIPRA. Quai per la 24avla giada. Ils fieus duain simbolisar l’impurtanza da mantegnair la qualitad da viver en las regiuns muntagnardas e da promover il svilup durabel da quellas. (fc/rtr)
