Stagiun da bulieus cumenza puspè
-
- Zoom
- Ils 10 dis da protecziun èn passads. (ANR, M. Fontana)
Davent da sonda dastgan ins puspè ir a tschertgar bulieus. Ils 10 dis da protecziun èn passads. Il chantun Grischun enconuscha gia dapi decennis quest temp da protecziun.
I dat plirs motivs pertge ch’i dat quest temp: In dals motivs è ch’ils bulieus han temp da sa fructifitgar. Ultra da quai han era la selvaschina dapli ruaus, di Marco Lanfranchi da l’uffizi per la natira ed ambient dal Grischun.
Controllader da bulieus
Mintga persuna dastga rimnar 2 kilos bulieus. Tgi che n’ha betg uschè experientschas cun las reglas da tschertgar bulieus u tgi che n’enconuscha betg uschè bain las differentas sorts bulieus po dumandar in expert, in controllader da bulieus. En bunamain mintga regiun datti in controllader da bulieus.
En Engiadina vesi dentant ora in zic auter. Da Malögia fin Samignun datti be in controllader da bulieus, numnadamain in a Samedan. Ed en l’Engiadina Bassa na datti dapi onns nagin che pudess controllar ils bulieus ch’ins ha chattà. (fc/rtr)
Impressiuns d'ina guidada da bulieus
-
- Zoom
- Galaria (15 maletgs)
