Ils gronds favurits per las medaglias vegnan dals pajais africans, Kenya ed Etiopia. Che Viktor Röthlin vegn dentant da tegnair pitg cun ils curriders africans ha el gia mussà pliras giadas. Avant 4 onns a Peking era Röthlin vegnì 6avel ed uschia gudagnà in diplom olimpic. In tal exploit vul il campiun d’Europa dal 2010 en il maraton era mussà a Londra.

A moda optimala

Per Viktor Röthlin è il maraton olimpic il 24avel en sia carriera, e forsa il davos. Per quest maraton è il currider Svizzer sa preparà a moda optimala. Bun 8’200 kilometers è Röthlin currì ils davos 12 mais. Viktor Röthlin n’è era betg vegnì franà da malsognas e blessuras tar sia preparaziun per Londra.

Il maraton dals umens als gieus olimpics a Londra cumenza a las 12.00 uras temps svizzer. A la partenza van 107 curriders. (fc/si)