Svizra batta la Croazia meritadamain cun 4:2
-
- Zoom
- Per l'emprima gia han ils Svizzers sajettar sut il trenader naziunal Ottmar Hitzfeld 4 gols sin terren ester. (Reuters)
L’emprova generala per la qualificaziun per il campiunadi mundial 2014 en la Brasilia è gartegiada. L’equipa d’Ottmar Hitzfeld ha gudagnà a Split encunter la Croazia cun 4:2.
Gia suenter 11 minutas ha Granit Xhaka manà ils Svizzers cun 1:0 en avantatg. Be 9 minutas pli tard han ils Croats pudì egualisar entras Eduardo da Silva. Curt avant pausa ha Tranquillo Barnetta sajettà il 2:1. En la 51avla minuta ha Mario Gavranovic pudì augmentar al 3:1. Lura èsi danovamain stà Eduardo da Silva ch’ha tuc per la Croazia, qual al 2:3 en la 64avla minuta. En la 81avla minuta ha Gavranovic lura sajettà ses segund gol al 4:2, quai è stà la decisiun.
Ils 7 da settember 2012 cumenza la qualificaziun per il campiunadi mundial 2014 en la Brasilia. La Svizra dat ses emprim gieu ordaifer encunter la Slovenia. Be 4 dis pli tard frunta l’equipa d’Ottmar Hitzfeld a Lucerna sin l’Albania. (aw/si)
