Joe Thornton e Rick Nash tar il HCD?
-
- Zoom
- Rick Nash (sanester) e Joe Thornton (dretg) en il dress dal HCD la stagiun 2004/05. (Keystone)
Sche las contractivas tranter la liga nordamericana da hockey sin glatsch NHL ed ils giugaders fan naufragi, rinforzan ils giugaders Joe Thornton e Rick Nash l'equipa da hockey sin glatsch da Tavau. Quai conferma il president dal HCD, Gaudenz Domenig a la gasetta Südostschweiz.
La stagiun da la NHL e periclitada perquai ch'il contract tranter las duas partidas scada. E sche la NHL ed ils giugaders na chattan nagina schliaziun enfin ils 15 da settember pudess l'entira stagiun 2012/13 crudar en l'aua. Gia il 2004/05 era quai stà il cas. Era lezza giada avevan Thornton e Nash giugà tar il HCD e manà Tavau al titel da campiun svizzer. (aw/si)
