Polizia ha arrestà plirs incendiaris
Sin las Inslas Canarias ha la polizia spagnola arrestà plirs incendiaris probabels. Il president regiunal da las Canarias aveva appellà a la polizia d'accelerar la tschertga dals malfatschents. Dapi prest duas emnas cumbattan ils pumpiers cunter ils fieus. Dapli che 5'000 persunas èn vegnidas evacuadas.
Pertutgada il pli fitg dals fieus è l'insla da vacanzas La Gomera nua che gia in dieschavel da la cuntrada è vegnida destruida da las flommas. Mo era en il nordvest a la riva da la mar mediterrana cumbattan ils pumpiers cunter las flommas. En Spagna en brischadas quest onn gia 135’000 hectaras guaud e pastgiras, dapli ch'il dubel da l'onn passà. (aw/sda)
