Federer e Wawrinka cuntanschan otgavel final
-
- Zoom
- Senza gronds problems ha Federer gudagnà sia partida cunter il russ Alexander Bogomolov en 60 minutas. (Keystone)
Roger Federer e Stanislas Wawrinka han cuntanschì l’otgavel final dal turnier da tennis d'ATP a Cincinnati en ils Stadis Unids.
Federer ha battì il russ Alexander Bogomolov cun 6:3 e 6:2. Sco proxim gioga il Svizzer cunter l’australian Bernard Tomic.
Wawrinka ha battì il spagnol David Ferrer cun 6:4 e 6:1. En la proxima runda gioga Wawrinka cunter il giapunais Kei Nishikori. (gc/si)
