Schef da la polizia norvegiaisa demissiunescha
-
- Zoom
- Il schef da la polizia norvegiaisa, Oystein Maeland. (Keystone)
En la Norvegia ha la critica da l'agir da la polizia en il cas da l'attentader Anders Breivik consequenzas. Il schef da la polizia norvegiaisa, Oystein Maeland, demissiunescha. Quai ha annunzià la ministra da la giustia da la Norvegia.
Oystein Maeland ha argumentà sia demissiun ch’i manchia ad el la confidenza da la politica. L'entschatta da l'emna era cumparì in rapport independent davart il cas Breivik. En quest rapport era la polizia vegnida crititgada a moda massiva. Ella haja reagì bler memia plaun.
Il fanadur avant in onn aveva Anders Breivik mazza 77 persunas en la chapitala Oslo e sin l'insla Utoya. (gc/sda)
