Pendicularas regalan runal d'uffants
La radunanza communala da Falera ha decidì la gievgia saira in credit da 800'000 francs per auzar il chapital d'aczias da la vischnanca da Falera per la participaziun vid la Finanz Infra SA. Plinavant han ils preschents era ditg gea a la dumonda d’auzar la garanzia da banca per 2 milliuns.
Persuenter regalan las pendicularas da l'Aren'alva a la vischnanca da Falera in nov runal d’uffants a Chinginas. Ils preschents èn era vegnids infurmads ch'ils indigens pajan a partir dal matg 2013 mo pli 250 francs enstagl da 440 francs per in abunament annual da las pendicularas. Quella reducziun vala dentant mo uschè ditg che la garanzia da banca è valaivla.
Per la sanaziun da donns da malauras conceda la radunanza in credit da 70’000 francs (gc/cdp)
