Conclus federal davart la furmaziun musicala per giuvenils

Furmaziun da musica per tuts

  • Publicaziun: 17-08-2012, 14.03

Tut ils uffants duajan avair la pussaivladad da survegnir ina buna furmaziun musicala, independent da la situaziun finanziala da lur geniturs.

Quai preveda il "Conclus federal davart la furmaziun da musica per giuvenils" che va en votaziun ils 23 da settember.

A Berna ha ina vasta allianza or da la politica e da la scena da musica fatg reclama per dapli promoziun musicala e preschentà ses arguments.

Grazia al conclus vegnia quai instruì meglier chantar e sunar en scola, han ils aderents manegià. Uffants e giuvenils survegnian access a la musica independent da la “grossezza da la bursa dals geniturs”.

Il cussegl federal ed il parlament cusseglian in gea.

(fa/sda)