Quai cunter l'opiniun dal cussegl naziunal, ch’aveva acceptà il zercladur ina proposta dal cusseglier naziunal grischun Martin Candinas.

Il zercladur aveva ina coaliziun da represchentants dals chantuns da muntogna e da politichers da l’ambient sanesters dumagnà tras il cussegl naziunal, che la lingia dal Vereina e la lingia dal Lötschberg cun lur transports dad autos sin las rodaglias vegnian integradas en la rait da las vias naziunalas.

Martin Candinas aveva argumentà che la via d’access al Vereina tras il Partenz fin Claustra saja gia ina via naziunala e cun l’argument che l’Engiadina haja tras il turissem ina muntada per l’entira Svizra.

Per che la lingia dal Vereina daventia propi ina via naziunala, dovri dentant er il gea dal cussegl dals chantuns e quel para uss pauc probabel; la cumissiun da traffic dal cussegl dals chantuns refusescha tant la proposta dal Lötschberg, sco quella dal Vereina e quai claramain cun 10 cunter ina vusch.

Il cussegl dals chantuns vegn a prender sia decisiun il settember en la sessiun d'atun.

(fa/rtr)