Nagina cuntradicziun a strategia d’energia
-
- Zoom
- Josias Gasser crititgescha en sia interpellaziun che la Repower vegnia sustegnida da l'ambassada svizra a Roma tar ses project a Saline Ioniche. (RTR)
Che l'ambassada svizra en l'Italia sustegnia la participaziun da l'interpresa d'electricitad grischuna Repower a l'ovra d'energia da charvun a Saline Ioniche en la Calabria, na cuntrafetschia betg a la strategia d'energia svizra.
Quai scriva il cussegl federal tranter auter en sia resposta sin l'interpellaziun dal cusseglier naziunal verd liberal grischun Josias Gasser.
Gasser crititgescha en sia interpellaziun che la Repower vegnia sustegnida da differents consuls e da l'ambassada svizra a Roma tar ses project a Saline Ioniche.
Per el è quai ina cuntradicziun, damai ch'il cussegl federal n'ha atgnamain naginas pussaivladads d'intervegnir sch'ina interpresa d'energia vul investir en l'exteriur.
(fa/rtr)
