Federer e Wawrinka cuntanschan quart-final
-
- Zoom
- En il quart-final frunta Roger Federer sin l'American Mardy Fish. (Keystone)
Roger Federer e Sanislas Wawrinka han cuntanschì il quart-final dal turnier da tennis da Cincinnati en ils Stadis Unids da l'America. Els han gudagnà mintgamai lur partidas en 2 sets senza pli gronds problems.
Federer ha battì l'Australian Bernard Tomic en 2 sets, cun 6:2 e 6:4. Sco proxim frunta el sin l'American Mardy Fish.
Medemamain en 2 sets (6:2, 6:3) ha Wawrinka battì il Giapunais Kei Nishikori. El frunta ussa sin il Canadais Milos Raonic. (gc/sda)
