"Guichet unique" per Svizzers en l’exteriur
-
- Zoom
- Il cusseglier federal Didier Burkhalter ha annunzià in "Guichet unique" per ils Svizzers che vivan en l'exteriur. (Keystone)
En l'avegnir duai in spurtegl unic, pia in post da consultaziun standardisà, star a disposiziun a tut ils Svizzers e las Svizras en l'exteriur.
Quai ha il minister da l'exteriur, Didier Burkhalter ditg oz a Losanna durant il congress dals Svizzers a l'exteriur.
Quest spurtegl unic, ubain "Guichet unique" vegnia stgaffì en il rom d'ina lescha ch'il parlament veglia elavurar. En in temp nua che tut sa midia spert, saja quai impurtant ch'ils Svizzers en l'exteriur hajan adina access a servetschs d'auta valur e confurm als basegns.
(fa/sda)
